ఫిఫా: పారిస్‌లో జగజ్జేతలకు ఘన స్వాగతం

0
106


ష్యా వేదికగా జరిగిన ‘ఫిఫా ప్రపంచకప్‌ 2018’ టోర్నీ విజేతగా నిలిచిన ఫ్రాన్స్‌ జట్టుకి స్వదేశంలో ఘన స్వాగతం లభించింది. క్రొయేషియాతో ఆదివారం రాత్రి జరిగిన ఫైనల్ మ్యాచ్‌లో అద్వితీయ ప్రదర్శన కనబర్చిన ఫ్రాన్స్ జట్టు 4-2 తేడాతో గెలిచి రెండోసారి ప్రపంచకప్‌ను కైవసం చేసుకున్న విషయం తెలిసిందే. 20ఏళ్ల తర్వాత మళ్లీ ఫ్రాన్స్ జట్టు ఫిఫా వరల్డ్‌కప్‌ను గెలవడంతో పారిస్‌ వీధుల్లో ఆదివారం రాత్రంతా అభిమానులు సంబరాల్లో మునిగిపోయారు.

ఫ్రాన్స్ ఆటగాళ్లు తాజాగా స్వదేశానికి చేరడంతో.. వారికి దారి పొడువునా అభిమానులు నిలబడి పూలతో ఘన స్వాగతం పలికారు. 1998 తర్వాత మళ్లీ ఫిఫా ప్రపంచకప్‌ను తమ దేశానికి తీసుకొచ్చిన ఫ్రాన్స్ ఆటగాళ్లను ‘లిజియన్ ఆఫ్ హానర్’ అవార్డుతో త్వరలో సత్కరించనున్నట్లు ఫ్రాన్స్ అధ్యక్షుడు ఇమ్మాన్యుయల్‌ మేక్రాన్‌ ప్రకటించారు. దేశానికి అత్యున్నత సేవలు అందించిన వారికి మాత్రమే ఇలా ‘లిజియన్ ఆఫ్ హానర్’ అవార్డుని ప్రకటిస్తారు. 1998లోనూ ఇలానే ఫుట్‌బాల్‌ జట్టుకి ఈ అవార్డు ప్రకటించారు.

ఒక సమాధానం వదిలి

దయచేసి మీ వ్యాఖ్యను నమోదు చేయండి!
దయచేసి ఇక్కడ మీ పేరు నమోదు చేయండి