ఈరోజే భారత్, ఇంగ్లాండ్ మధ్య ఆఖరి వన్డే

0
143

ఈరోజే భారత్, ఇంగ్లాండ్ మధ్య ఆఖరి వన్డే
ఇంగ్లాండ్ పర్యటనని టీ20 సిరీస్‌ విజయంతో ఆరంభించిన భారత్‌కి మరో కఠిన సవాల్ ఎదురైంది. తొలి వన్డేలో ఇంగ్లాండ్‌పై పూర్తి స్థాయిలో ఆధిపత్యం చెలాయించిన భారత్.. ఆ తర్వాత రెండో వన్డేలో అనూహ్యంగా బోల్తా కొట్టింది. దీంతో.. మూడు వన్డేల సిరీస్‌ ప్రస్తుతం 1-1తో సమమవగా.. విజేత నిర్ణయాత్మక ఆఖరి వన్డే లీడ్స్‌ వేదికగా ఈరోజు సాయంత్రం 5 గంటల నుంచి జరగనుంది.

రెండో వన్డేలో బౌలింగ్‌తో పాటు బ్యాటింగ్‌లోనూ భారత్ జట్టు ఘోరంగా విఫలమైంది. ముఖ్యంగా.. మిడిలార్డర్‌‌ వైఫల్యం ఇప్పుడు కోహ్లిసేనని ఒత్తిడిలోకి నెడుతోంది. ఓపెనర్లు రోహిత్ శర్మ, శిఖర్ ధావన్.. ఆ తర్వాత విరాట్ కోహ్లి నిలకడగా ఆడుతున్నా.. కేఎల్ రాహుల్, మహేంద్రసింగ్ ధోని, హార్దిక్ పాండ్య రెండో వన్డేలో పేలవ ఆటతీరుతో నిరాశపరిచారు. బౌలింగ్‌లోనూ సిద్ధార్థ కౌల్, ఉమేశ్ యాదవ్, హార్దిక్ పాండ్య ధారాళంగా పరుగులు సమర్పించుకున్నారు. ఈ నేపథ్యంలో.. కీలకమైన మూడో వన్డేలో భారత్ మళ్లీ పుంజుకుని సిరీస్‌ చేజిక్కించుకుంటుందేమో..? చూడాలి.

ఇంగ్లాండ్ గడ్డపై ఇప్పటికే భారత్ 2-1తో టీ20 సిరీస్‌ని గెలవగా.. గత ఏడేళ్లుగా కనీసం ఒక వన్డే సిరీస్‌ను కూడా ఆ జట్టు చేతిలో భారత్ చేజార్చుకోలేదు. అంతేకాకుండా.. 2016 జనవరి తర్వాత ఆడిన అన్ని ద్వైపాక్షిక వన్డే సిరీస్‌ల్లోనూ భారత్ గెలిచింది.

ఒక సమాధానం వదిలి

దయచేసి మీ వ్యాఖ్యను నమోదు చేయండి!
దయచేసి ఇక్కడ మీ పేరు నమోదు చేయండి