అంతర్జాతీయంగా పరువు పోగొట్టుకున్న అమెరికా అధినేత

0
99


రష్యా అధ్యక్షుడు వ్లాదిమిర్‌ పుతిన్‌తో శిఖరాగ్ర భేటీ ద్వారా కొంత సానుకూల ఇమేజి పొందాలనుకున్న డొనాల్డ్‌ ట్రంప్‌ ఆలోచనలకు మొదట్లోనే ఎదురుదెబ్బ తగిలింది. ఫిన్లాండ్‌లోని హెల్సెంకీలో జరిగిన భేటీలో పుతిన్‌ ముందు ట్రంప్‌ తేలిపోయారని, గతంలో ఏ అమెరికా అధ్యక్షుడు కూడా ఈ స్థాయిలో అణిగిమణిగి, దిగజారిపోలేదంటూ కొందరు అమెరికన్‌ నాయకులు, కొన్ని మీడియా సంస్థలు దుమ్మెత్తిపోసాయి. అమెరికా అధ్యక్ష ఎన్నికల్లో రష్యా జోక్యం చేసుకోలేదంటూ పుతిన్‌ ఇచ్చిన స్వయం దృవీకరణకు ట్రంప్‌ వంతపాడడాన్ని అమెరికన్‌ రాజకీయ నేతలు, మీడియా తూర్పారపడుతున్నాయి.  ట్రంప్‌ ఇష్టపడే ‘ఫాక్స్‌’ నెట్‌వర్క్‌ సైతం పుతిన్‌తో కలిసి ఆయన నిర్వహించిన వివాదాస్పద  మీడియా సమావేశాన్ని ఎండగట్టింది. అమెరికా నిఘా వ్యవస్థపై కంటే కూడా పుతిన్‌ చెప్పిన మాటలనే తాను నమ్ముతున్నానని ట్రంప్‌ పేర్కొనడాన్ని సీఎన్‌ఎన్, ఫాక్స్‌ ఇతర సంస్థలు తప్పుబట్టాయి. టీవీ చర్చలతో పాటు, ట్విటర్, ఇతర సామాజిక మాధ్యమాల్లో కూడా ట్రంప్‌ తీరుపై విమర్శలు వెల్లువెత్తాయి.

ఒక సమాధానం వదిలి

దయచేసి మీ వ్యాఖ్యను నమోదు చేయండి!
దయచేసి ఇక్కడ మీ పేరు నమోదు చేయండి