SL vs SA: లంక గడ్డపై అదరగొట్టిన భారత సంతతి బౌలర్

0
109


శ్రీలంకతో జరిగిన తొలి టెస్టులో దారుణ పరాజయాన్ని మూటగట్టుకున్న సౌతాఫ్రికా రెండో టెస్టులో అద్భుతంగా పుంజుకుంది. భారత సంతతి స్పిన్నర్ కేశవ్ మహారాజ్ 8 వికెట్లతో అదరగొట్టే ప్రదర్శన చేయడంతో మొదటి రోజు ఆట ముగిసే సమయానికి ఆతిథ్య జట్టు 277/9గా నిలిచింది. టాస్ గెలిచి ముందుగా బ్యాటింగ్ ఎంచుకున్న శ్రీలంకకు ఓపెనర్లు శుభారంభం ఇచ్చారు. గుణతిలక (57), కరుణరత్నే (53) తొలి వికెట్‌కు 116 పరుగులు జోడించారు. వీరిద్దర్నీ వరుస ఓవర్లలో పెవిలియన్ చేర్చిన కేశవ్ మహారాజ్ ప్రత్యర్థి బ్యాట్స్‌మెన్‌కు చుక్కలు చూపించాడు.

ఓ ఎండ్‌లో వికెట్లు పడుతున్నా.. మూడోస్థానంలో బ్యాటింగ్‌కు వచ్చిన ధనంజయ డిసిల్వా (60) మరో ఎండ్‌లో పాతుకుపోయాడు. కేశవ్ దెబ్బకు మిగతా బ్యాట్స్‌మెన్ ఎక్కువ సేపు క్రీజులో నిలువలేకపోయారు. రోషన్ సిల్వాను రబాడా బౌల్డ్ చేయగా.. మిగతా అందర్నీ గుజరాత్ నుంచి వెళ్లి సౌతాఫ్రికాలో స్థిరపడిన కుటుంబానికి చెందిన కేశవ్ పెవిలియన్ చేర్చాడు. తొలి టెస్టులో సౌతాఫ్రికాను స్పిన్ ఉచ్చులో బిగించి గెలుపొందిన శ్రీలంకను.. తర్వాతి టెస్టులో మొదటి రోజే కేశవ్ చుట్టేయడం గమనార్హం.

ఒక సమాధానం వదిలి

దయచేసి మీ వ్యాఖ్యను నమోదు చేయండి!
దయచేసి ఇక్కడ మీ పేరు నమోదు చేయండి